Banaslysið „gæti heyrt undir manndráp af gáleysi“

Banaslysið á gatnamótum Gnoðarvogs og Skeiðarvogs í síðasta mánuði hefur verið rannsakað sem sakamál frá upphafi.

Þar ók strætisvagn á konu á sjötugsaldri með þeim afleiðingum að hún lést.

Rannsókn málsins miðar vel samkvæmt Guðmundi Páli Jónssyni lögreglufulltrúa og segist hann eiga von á því að málið fari fyrir ákærusvið fyrir áramót.

Þetta kemur fram í Fréttablaðinu í dag.

„Þetta gæti heyrt undir manndráp af gáleysi,“ segir Guðmundur við blaðið.

Frétt af mbl.is

Blómvöndur lagður eftir umferðarslys

Tæknideild lögreglunnar og Rannsóknarnefnd samgönguslysa hafa málið á sínu borði og er lítil vinna eftir hjá lögreglunni, að því er Guðmundur segir við Fréttablaðið. Hann segir það ákærusviðsins að meta hvort gefin verði út ákæra í málinu.

• Blogga um frétt