Tvö af þremur smitum sem vitað er að komu upp meðal þingmanna stjórnarandstöðunnar greindust í þingflokki Viðreisnar. Þetta staðfestir Hanna Katrín Friðriksson, þingflokksformaður Viðreisnar.

Enn sem komið er liggur ekki fyrir hverjir það eru sem munu þurfa að sæta sóttkví vegna smitanna en að sögn Hönnu Katrínar hefur smitrakningarteymið ekki enn haft samband. Hún segir þó fólk gæta sín og að flestir hafi nú þegar farið í próf. Býst hún við að niðurstöður skili sér í fyrramálið.

„Við göngum öll út frá því núna að við séum smituð. Það er eina vitið. Við högum okkur samkvæmt því,“ segir Hanna og bætir við: „Það verður kannski bara glænýr þingflokkur sem mætir í vinnu á mánudaginn.“

Frétt af mbl.is

Að minnsta kosti þrír þingmenn smitaðir

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt