Eldur kviknaði í viðbyggingu á Frakkastíg

Eldur kviknaði í lágreistri viðbyggingu við hús á Frakkastíg í miðborg Reykjavíkur nú í morgun. Slökkviliðið er á staðnum. Samkvæmt upplýsingum þaðan var ekki um mikinn eld að ræða en nokkur reykur steig þó upp frá viðbyggingunni. 

Sá sem býr á staðnum var kominn út af heimili sínu þegar slökkvilið bar að garði. 

Eldurinn hefur verið slökktur að mestu og vinnur slökkvilið nú í því að rífa klæðningu hússins. 

Vísir greindi fyrst frá því að eldurinn væri kviknaður.

• Blogga um frétt