Bifreið fannst í Hafnarfjarðarhöfn

Slökkviliðið og lögreglan eru með viðbúnað við Hafnarfjarðarhöfn, að því er vaktmaður slökkviliðsins staðfestir við mbl.is.

Ekki fást upplýsingar um hvað hafi fundist í höfninni að svo stöddu.

Þá óskaði lögregla eftir aðstoð björgunarsveitarinnar í Hafnarfirði auk þess sem köfunardeild Landhelgisgæslunnar var kölluð til í Hafnarfjörð nú í kvöld. 

Umfangsmikil leit hefur farið fram á svæðinu að Almari Yngva Garðarssyni, sem ekkert hefur spurst til síðan um aðfaranótt sunnudags.

Bifreið sem leitað var í tengslum við hvarf Almars

Uppfært kl. 21.39: Skúli Jónsson stöðvarstjóri lögreglustöðvarinnar í Hafnarfirði staðfestir í samtali við mbl.is að bifreið sem leitað var að í tengslum við hvarf Almars hafi fundist í Hafnarfjarðarhöfn. 

Samkvæmt heimildum mbl.is var leitinni beint að höfninni eftir ábendingar sem borist hafa lögreglu samhliða leitinni en björgunarsveitir hafa leitað síðan klukkan eitt í dag.

Bíll sem lögreglan hefur leitað í tengslum við hvarf Almars fannst í Hafnarfjarðarhöfn í kvöld. Ljósmynd/Lögreglan

Frétt af mbl.is

„Erum ekki að fá mikið af vísbendingum“

• Blogga um frétt