Sóttvarnalæknir leggur til 20 manna samkomutakmarkanir í minnisblaði sem hann hefur afhent heilbrigðisráðherra, samkvæmt heimildum mbl.is. Þá leggur hann til að grunnskólar, framhaldsskólar og háskólar hefji ekki starfsemi fyrr en 10. janúar.

Sigurður Ingi Jóhannsson innviðaráðherra leggur áherslu á að heilbrigðisráðuneytið hafi lokaorðið um aðgerðir. mbl.is/Eggert Jóhannesson

Sigurður Ingi Jóhannsson innviðaráðherra, segir þessar upplýsingar ekki fjarri lagi en vill þó ekki staðfesta neitt um innihald minnisblaðsins fyrr en það verður tekið fyrir á ríkisstjórnarfundi á morgun. Síðan myndi heilbrigðisráðuneytið gefa út reglugerð eins og vant er.

Rúv hefur þá greint frá því að sóttvarnalæknir leggi til að tveggja metra nálægðarregla verði tekin upp í stað eins metra reglu, sem er í gildi nú. Jafnframt verði 200 manna hólf skilgreind á fjöldasamkomum og þar þurfi að framvísa neikvæðum hraðprófum. Sundlaugar og líkamsræktarstöðvar megi taka við helmingi færri gestum og opnunartími veitingastaða verði styttur enn frekar. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 3 blogg um fréttina

Bloggað um fréttina

• Geir Ágústsson: Ef ég væri Sóttólfur
• Rúnar Már Bragason: Hvar eru niðurstöður af aðgerðum?
• Óðinn Þórisson: Frelsissviptingar - hættuleg þróun