Einum dómaranna í Landsréttarmálinu veitt lausn
Setja bókamerki
Jón Finnbjörnsson hefur fengið lausn frá embætti landsréttardómara frá og með 22. september 2022 þegar hann verður 65 ára. Í byrjun árs verður staða hans auglýst laus til umsóknar. Þetta kemur fram í skriflegu svari dómsmálaráðuneytisins til mbl.is.
Jón er einn þeirra fjögurra dómara sem var meðal umsækjenda um dómarastöðu í nýstofnuðum Landsrétti en var ekki metinn hæfastur af hæfnisnefndinni.
Í svari frá ráðuneytinu segir að Jón hefur ekki getað sinnt starfi sínu síðan dómur Mannréttindadómstólsins féll og hefur því verið í launuðu leyfi síðan 2019.
„Jóni hefur ekki verið kleift að sinna dómstörfum frá því að dómur Mannréttindadómstóls Evrópu í Landsréttarmálinu féll. Fær hann því lausn með vísan til 4. mgr. 52. gr. dómstólalaga. Lausnin er veitt í samráði við Jón og dómstólasýsluna.“
Jón sótti um embætti dómara við Landsrétt sem auglýst var laust til umsóknar 20. nóvember 2020. Hann var ekki metinn hæfastur.
Hinir þrír dómararnir sem Landsréttarmálið snerist um hafa aftur sótt um dómarastöðu hjá dómsstólnum og fengið stöðuna.
Mæðgur dæmdar til að greiða 64 milljónir
„Má segja að þetta gos hafi þjófstartað“
Hraunið náð Njarðvíkuræð: Fylgjast með raflínu
Maskína: Framsókn í fallbaráttu
Hluti bílastæðis undir hraun: Ómögulegt að meta tjón
Fullvissa ferðamenn um að hér sé öruggt
„Erum í miðri hrinu“: Styttist í Eldvörp
Hraunið við bílastæði Bláa lónsins