Ráðherrar VG með grímu en sjálfstæðismenn ekki
Oddur Þórðarson
Setja bókamerki
Nokkrir ráðherrar í ríkisstjórn mættu til ríkisstjórnarfundar í Ráðherrabústaðnum í morgun með grímur fyrir vitum. Venjulega eru ráðherrar ekki með grímu á meðan þeir ganga úr ráðherrabílunum og inn í bústaðinn. Það er því ljóst að einhverjir þeirra eru meira varir um sig en áður.
Þegar Willum Þór Þórsson heilbrigðisráðherra mætti í morgun tilkynnti hann blaðamanni að aðgerðir innanlands yrðu hertar. Hann var með grímu yfir andlitinu.
Þeir sem hæst tala um afléttingar ekki með grímu
Það var Áslaug Arna Sigurbjörnsdóttir, vísinda-, iðnaðar- og nýsköpunarráðherra, hins vegar ekki og aðspurð vildi hún ekki tjá sig um skoðun sína á fyrirhuguðum takmörkunum. Hún vildi ræða það við ríkisstjórnina fyrst. Áslaug hefur verið einna fremst í flokki þeirra ráðamanna sem vilja slaka á takmörkunum.
Skoðana- og flokkssystir hennar, Þórdís Kolbrún Reykfjörð Gylfadóttir utanríkisráðherra, var heldur ekki með grímu. Bjarni Benediktsson, fjármála- og efnahagsráðherra, var ekki með grímu og Jón Gunnarsson dómsmálaráðherra ekki heldur.
Lilja með grímu en ekki Ásmundur Einar og Sigurður Ingi
Katrín Jakobsdóttir forsætisráðherra var með grímu þegar hún mætti, rétt eins og flokkssystkini hennar Guðmundur Ingi Guðbrandsson, félagsmála- og vinnumarkaðsráðherra, og Svandís Svavarsdóttir, sjávarútvegs- og landbúnaðarráðherra.
Lilja Dögg Alfreðsdóttir, ferðamála-, viðskipta- og menningarmálaráðherra, var með grímu ólíkt flokksbræðrum sínum þeim Sigurði Inga Jóhannssyni innviðaráðherra og Ásmundi Einari Daðasyni, barna- og menntamálaráðherra.
Fjölmiðlafólk rekið út
Undrandi að ég væri ekki eskimói
Hvorki Danir né Bandaríkjamenn að grínast
/frimg/1/54/60/1546099.jpg)
„Það stærsta sem ég hef séð í minni tíð“
Sjö hús rýmd á Patreksfirði
Tregða í verðbólgunni
Óvissustigi lýst yfir á Austfjörðum