Heilbrigðisráðuneytið vinnur nú að reglugerðarbreyting sem sker úr um að verslunum með verslunarrými sem nemur upp að 100 fermetra flatarmáli sé heimilt að taka á móti 50 viðskiptavinum í einu.

Þetta kemur fram í tilkynningu frá Samtökum verslunar og þjónustu en samtökin hafa átt í samskiptum við ráðuneytið vegna óljósra sóttvarnareglna um hver sé leyfilegur hámarksfjöldi viðskiptavina í verslunarrými hverju sinni miðað við gildandi reglur.

Með reglugerðarbreytingunni yrði leyfilegt að taka á móti 5 viðskiptavinum fyrir hverja 10 fermetra umfram 100 fermetra en þó aldrei fleiri en 500 viðskiptavinum í einu.

Svo dæmi sé tekið mega verslanir því taka á móti;

• 50 viðskiptavinum í 90 fermetra verslunarrými,
• 55 viðskiptavinum í 110 fermetra verslunarrými,
• 150 viðskiptavinum í 300 fermetra verslunarrými,
• 200 viðskiptavinum í 400 fermetra verslunarrými  
• 500 viðskiptavinum í 1.000 fermetra verslunarrými eða stærra.

Frétt af mbl.is

Bónus lengir afgreiðslutíma til að draga úr álagi

Áfram verður skýrt kveðið á um grímuskyldu í verslunum og að öðru leyti verður mælst til þess að þess verði gætt að 2 metra bil verði milli viðskiptavina, s.s. í biðröðum á kassasvæði.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt