Samkvæmt nýjustu reglugerð um takmörkun á samkomum vegna farsóttar, sem tekur gildi á morgun, er Strætó undanþeginn 20 manna fjöldatakmörkunum og skulu farþegar nota grímu ef ekki er unnt að tryggja tveggja metra fjarlægðarmörk um borð í vögnunum. Þetta kemur fram í tilkynningu frá Strætó.

Frétt af mbl.is

Nýju aðgerðirnar taka gildi á Þorláksmessu

Strætó mælir þó eindregið með grímunotkun þegar ferðast er með almenningssamgöngum.

Þá segir í tilkynningu frá fyrirtækinu að viðskiptavinir beri ábyrgð á því að klæðast andlitsgrímu þegar þörf er á samkvæmt reglugerðinni.

Undanþegnir grímuskyldu sé einstaklingar sem hafa ekki skilning eða þroska til að nota andlitsgrímu rétt eða geti það ekki af öðrum ástæðum, svo sem vegna heilsufars.

Þá séu börn fædd 2006 og yngri einnig undanþegin grímunotkun.

Andlitsgrímur skuli hylja nef og munn og þær uppfylla kröfur sem komi fram í vinnustofusamþykkt evrópsku staðlasamtakanna (CEN).

Þá eru farþegar hvattir til að huga að hreinlæti og eigin sóttvörnum og að ferðast ekki með almenningssamgöngum finni þeir fyrir flenskueinkennum.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt