Undirrita samning um kaup á Bændahöllinni

Félagsstofnun stúdenta og ríkið hafa undirritað samning við Bændahöllina ehf., félags í eigu Bændasamtaka Íslands, um kaup á Bændahöllinni, þar sem Hótel Saga var rekin undanfarna áratugi. Rekstri þar var hins vegar hætt í nóvember 2020, en samningaviðræður um sölu á fasteigninni hafa staðið yfir lengi.

Greint er frá samkomulaginu á vef Bændasamtakanna, en ekki kemur þar fram hvert söluverðið er.

Frétt af mbl.is

Hótel Saga kostar ríkið 6,5 milljarða

Áður hafði verið greint frá því aðáætlað væri að Háskóli Íslands fengi um 70% af húsnæðinu undir starfsemi menntavísindasviðs og Félagsstofnun stúdenta fengi 30% undir stútendaíbúðir. Áætlaður heildarkostnaður í kaupverði og endurbótum á hlut HÍ er um 6,5 milljarðar, en á móti kæmi mögulegt söluvirði af húsnæði skólans í Stakkahlíð og Skipholti, þar sem deildin er nú staðsett.

Í fjáraukalögum sem samþykkt voru í gær var fjármálaráðherra heimilt að kaupa eignina undir starfsemi háskólans, en samningurinn var gerður með fyrirvara um samþykki Alþingis. Fram kemur í tilkynningunni að afhending hússins muni fara fram á næstu vikum og mánuðum.

• Blogga um frétt