Auðveldara fyrir nýja kviku að komast upp

Um átta hundruð jarðskjálftar hafa orðið frá miðnætti og um fimm þúsund í heildina síðan skjálftahrinan byrjaði við Fagradalsfjall 21. desember um klukkan 17.

Frétt af mbl.is

Skjálfti upp á fjóra

Bjarki Kaldalóns Friis, náttúruvársérfræðingur hjá Veðurstofu Íslands, segir hrinuna sem nú er í gangi hafa minnkað örlítið frá því í gær þegar stærsti skjálftinn af stærðinni 4,9 varð frétt fyrir klukkan hálftíu í gærmorgun. Einn skjálfti yfir 4 stig varð um fimmleytið í morgun en síðan þá hafa skjálftarnir verið smærri.

Virknin er mest á svæðinu við Fagradalsfjall þar sem gosið var áður en síðan hrinan byrjaði er virknin búin að færast lítillega í suðvestur á móti Nátthaga.

Frétt af mbl.is

Líkist skjálftunum mánuðinn fyrir gosið

Spurður hvort eldgos gæti verið í vændum segir hann að það verði að koma í ljós. Kvika sé á hreyfingu og að hún geti komið mjög hratt upp ef hún geri það á annað borð.

„Þegar stóra skjálftahrinan varð í vetur og gosið varð brotnaði bergið og þess vegna er auðveldara fyrir nýja kviku að komast upp,“ segir Bjarki.

Frétt af mbl.is

„Þetta heldur spennunni gangandi“

Gervitunglamynd skoðuð

Gervitunglamynd var væntanleg í nótt sem getur varpað ljósi á stöðuna en að sögn Bjarka tekur marga klukkutíma að vinna úr henni. Von er á niðurstöðum úr henni eftirmiðdaginn eða í kvöld í fyrsta lagi.

Enginn fundur hefur verið ákveðinn hjá vísindaráði almannavarna í dag vegna stöðunnar sem er uppi en ef ný gögn koma fram mun það hugsanlega funda. Í gær voru tveir fundir haldnir, hefðbundinn upplýsingafundur og vísindaráðsfundur.

• Blogga um frétt