Bílar þvers og kruss á Öxnadalsheiði

Tveir bílar hafa endað utan vegar í Öxnadal og á Öxnadalsheiði og fleiri sitja fastir. Þetta staðfestir lögreglan á Akureyri í samtali við mbl.is.

„Það eru bílar þarna þvers og kruss. Það er slæmt skyggni og vont veður,“ segir lögregluþjónn.

Engin slys hafa orðið á fólki en björgunarsveit hefur verið ræst út til þess að aðstoða lögreglu. Margir eru á ferðinni á svæðinu.

• Blogga um frétt