Innbrot í netkerfi Strætó uppgötvaðist í gær. Frá þessu greinir byggðasamlagið í tilkynningu.

Segir þar að unnið sé að því að staðfesta hvernig atburðarásinni vatt fram og um leið sé verið að greina umfang innbrotsins, í samstarfi við sérfræðinga frá Syndis og Advania.

Atvikið hafi verið tilkynnt Persónuvernd, CERT-IS og lögreglu.

Of snemmt að segja til um

„Ekki er hægt að útiloka upplýsingaleka í tengslum við innbrotið, en of snemmt er að segja til um hvort og hvaða upplýsingar innbrotsþjófarnir komust yfir,“ segir í tilkynningunni.

„Nú þegar hefur verið gripið til allra aðgerða til að fyrirbyggja hættuna á frekari gagnalekum.“

Ítrekað er að Strætó sendi aldrei út tölvupósta þar sem fólk er beðið um kortaupplýsingar.

Tengdar fréttir

Gagnaleki hjá Strætó

Vakta hvert skref tölvuþrjótanna

• Náðu upplýsingum um laun og hljóðupptökur
• Komust í gögn tengd notendum akstursþjónustu
• Kom ekki til greina að greiða lausnargjald
• Óvíst hvað gerist verði gögnunum lekið

» Fleiri tengdar fréttir

• Blogga um frétt