Heimsóknarbann er nú í gildi á Landspítalanum en frá hádegi 31. desember má einn gestur koma í heimsókn til hvers sjúklings.

Hann skal vera fullbólusettur eða hafa fengið Covid-19 á síðustu sex mánuðum og nota fínagnagrímu meðan á heimsókninni stendur. Börn undir 12 ára aldri ættu hins vegar ekki að koma í heimsókn. Þetta kemur fram í tilkynningu frá farsóttanefnd spítalans.

Stjórnendur deilda geta eftir sem áður veitt undanþágur í sérstökum tilvikum. 

Þá eru leyfi sjúklinga aðeins heimil með leyfi farsóttanefndar sem ráðleggur um ráðstafanir og skilyrði.

Gríðarleg fjölgun í fjarþjónustu göngudeildar

Landspítalinn var færður yfir á neyðarstig í gær vegna vaxandi álags en nú liggur 21 sjúklingur inni vegna Covid-19, sex þeirra eru á gjörgæslu, þar af fimm í öndunarvél.

120 starfsmenn spítalans eru í einangrun, en daglega hafa á þriðja tug starfsmanna greinst smitaðir. Mikill fjöldi er í sóttkví og er hluti hans við störf í sóttkví B.

Í fjarþjónustu Covid-göngudeildar eru nú 5.834, þar af 1.262 börn. Gríðarleg fjölgun er á milli daga, að því er segir í tilkynningunni. 231 er á gulu og tveir á rauðu, sem þýðir að þeir eru töluvert mikið veikir.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt