Íslensk erfðagreining mun greina öll PCR-innanlandssýni sem tekin eru á Suðurlandsbraut 34 frá og með deginum í dag. Er það gert í þeim tilgangi að létta á sýkla- og veirufræðideild Landspítalans.

Mikið álag hefur verið á deildinni síðustu daga, eða allt frá því Ómíkron-smitum fór að fjölga hér á landi, en fjöldi sýna á dag hefur fjölgað meira en dagleg greiningargeta deildarinnar.

„Það voru farin að koma yfir 8.000 sýni á dag og deildin annar um 4.500 á dag,“ segir Guðrún Svanborg Hauksdóttir, yfirlæknir deildarinnar, í samtali við mbl.is.

Flýtir sýnasvörun mikið

Guðrún segir sýnin hafa verið farin að safnast upp sem hafi orsakast í gríðarlega löngum svartíma. Það muni nú breytast með hjálp úr Vatnsmýrinni.

Frétt af mbl.is

Allt að 72 tíma bið eftir niðurstöðu

„Þetta flýtir sýnasvörun mikið,“ segir hún og bætir við að megi búast við að ÍE taki um 3.000 sýni á dag.

Sýkla- og verufræðideildin mun enn annast öll önnur sýni sem ekki koma af Suðurlandsbrautinni, svo sem landamærasýni og sýni af öðrum heilsugæslustöðvum höfuðborgarsvæðisins og utan af landsbyggð.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt