Runólfur Pálsson, framkvæmdastjóri meðferðarsviðs og yfirmaður Covid-göngudeildar Landspítalans, segist binda vonir við að endalok heimsfaraldursins séu í sjónmáli með dreifingu Ómíkron-afbrigðisins.

„Maður er að vonast til þess að svo sé. Mér finnst við hins vegar ekki hafa alveg nægilega skýra mynd af alvarleika veikinda ennþá, allavega ekki hér á landi. Þær upplýsingar sem við höfum að utan eru þó uppörvandi,“ segir hann en átta voru á gjörgæslu í gærmorgun, sex þeirra voru í öndunarvél. Runólfur segir að mestmegnis sé um að ræða óbólusetta einstaklinga, eða sjö af átta. „Stóru áskoranirnar núna eru gjörgæslan annars vegar og svo Covid-göngudeildin hins vegar, sem er að sinna fjölda einstaklinga sem hugsanlega þyrftu innlögn.“

Runólfur segir að það sem mestu skipti nú sé hvaða hópar sýkist en flestir eru nú smitaðir í aldurshópnum 18 til 29 ára eða 2.085. 

Frá Landspítalanum. Ljósmynd/Landspítalinn

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir