Skjálftavirkni á Reykjanesskaganum hefur róast verulega á síðustu dögum en enginn jarðskjálfti hefur mælst yfir þremur að stærð á nýju ári. Þetta segir Elísabet Pálmadóttir, náttúruvársérfræðingur hjá Veðurstofu Íslands.

Enn er þó ekki hægt að tala um að hrinunni sé lokið en virknin á skaganum er nú meiri en hún hefur verið síðustu mánuði eftir að gosinu lauk.

Spurð hvort líkur á öðru eldgosi fari nú dvínandi segir Elísabet að erfitt sé að segja til um það enda hafi einnig dregið úr skjálftavirkni í aðdraganda síðasta eldgoss í Geldingadölum sem hófst í mars í fyrra. 

Veðurstofan heldur áfram að fylgjast grannt með gangi mála en hér er hægt er að skoða töflu yfir jarðskjálftavirkni.

Tengdar fréttir

Eldvirkni á Reykjanesskaga

Dvalið í 46 húsum í nótt

• Vandræðagangur á ferðamönnum
• Tókst að stöðva rennslið við rafmagnsmastrið
• Munu vinna dag og nótt við að hækka varnargarðana
• Virknin stöðug í nótt

» Fleiri tengdar fréttir

• Blogga um frétt