Víða ófært á Austurlandi

Vont veður og mikil snjókoma hefur verið á Austurlandi og er víðsvegar ófært. Beðið er eftir því að veðrið gangi niður til að moka íbúðabyggðir.

Þetta segir Jón Björn Hákonarson, bæjarstjóri Fjarðabyggðar, í samtali við mbl.is.

Frétt af mbl.is

Íbúar Seyðisfjarðar beðnir um að halda sig heima

Frétt af mbl.is

Sýnatöku aflýst vegna slæmrar veðurspár

„Það er búið að vera mjög vont veður hjá okkur hérna á Austfjörðum. Við höfum verið að ryðja stofnliði í bæjunum okkar til að halda þeim gangandi en höfum ekkert farið út í íbúðabyggðir.

Nú bíðum við eftir að veðrið gangi aðeins niður. Það er búið að vera sérstaklega vont á Eskifirði og Fáskrúðsfirði en einnig er töluverð ófærð á Reyðarfirði og Norðfirði. Við erum aðeins byrjuð að fikra okkur út fyrir stofnbrautir á þeim stöðum þar sem veðrið hefur aðeins gengið niður,“ segir Jón Björn.

• Blogga um frétt