Róbert Marshall hættur í forsætisráðuneytinu

Ró­bert Mars­hall lét af störf­um sín­um sem upp­lýs­inga­full­trúi rík­is­stjórn­ar­inn­ar nú um ára­mót. Hann seg­ir í sam­tali við mbl.is að hann muni nú snúa sér að leiðsögn fyr­ir Ferðafé­lag Íslands, en áhugi Ró­berts á úti­vist er vel þekkt­ur. 

Ró­bert var ráðinn tíma­bundið til starfa fyr­ir for­sæt­is­ráðuneytið sem upp­lýs­inga­full­trúi árið 2020. Í fyrra fékk hann launa­laust leyfi frá vinnu til þess að reyna fyr­ir sér í próf­kjöri VG í Suður­kjör­dæmi en þar hlaut hann ekki braut­ar­gengi. 

Ró­bert er fyrr­ver­andi alþing­ismaður fyr­ir Sam­fylk­ing­una og síðar Bjarta framtíð en hann hef­ur starfað við fjalla­leiðsögn, þjálf­un og úti­vist und­an­far­in ár. Hann var formaður ungra alþýðubanda­lags­manna á yngri árum. Á þingi gegndi hann m.a. þing­flokks­for­mennsku, for­mennsku í alls­herj­ar­nefnd, for­mennsku í Íslands­deild þings Örygg­is- og sam­vinnu­stofn­un­ar Evr­ópu og sat í um­hverf­is- og sam­göngu­nefnd, Þing­valla­nefnd og Norður­landaráði.

Hann starfaði við fjöl­miðla um ára­bil og var aðstoðarmaður sam­gönguráðherra áður en hann sett­ist á þing árið 2009. Ró­bert er fyrr­ver­andi formaður Blaðamanna­fé­lags Íslands og var um tíma for­stöðumaður frétta­sviðs 365.  

• Blogga um frétt