Maður sem hefur sætt sóttkví frá 11. desember hefur kært úrskurð Héraðsdóms Reykjaness, um lögmæti sóttkvíarinnar, til Landsréttar. Þetta staðfestir Gunnar Ingi Magnússon, lögmaður mannsins, í samtali við mbl.is í dag.

Gunnar segir kæruna þegar hafa verið tilkynnta til Héraðsdóms og gerir ráð fyrir því að málið verði tekið fyrir í Landsrétti á morgun eða á allra næstu dögum.

Frétt af mbl.is

Ítrekuð sóttkví staðfest fyrir dómi

Segir Héraðsdóm ekki hafa litið til nýrra gagna

Gunnar segir það hafa verið vonbrigði að Héraðsdómur Reykjaness hafi ekki litið til fleiri upplýsinga, forsendna og gagna í málinu.  

„Fyrir utan að það er auðvitað til umfjöllunar núna þessi 40% framlenging á sóttkvínni sem þó var orðin býsna löng fyrir,“ segir Gunnar.

Eins og mbl.is greindi frá í gær hefur maðurinn sætt sóttkví vegna smita innan fjölskyldu sinnar. Þessi úrskurður varðar nýjustu ákvörðun sóttvarnalæknis um sóttkví varnaraðila vegna smita sonar hans og tekur til daganna frá 30. desember og til 13. janúar.

Ákvörðun sóttvarnalæknis mun falla niður gang­ist maðurinn und­ir PCR-próf ein­um sól­ar­hring eft­ir að ein­angr­un þess smitaða, er dvaldi á heim­ili karl­manns­ins.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt