Vont alls staðar en verst suðvestanlands

Vonskuveðrið sem gengur yfir landið í kvöld og nótt verður einna verst suðvestan til og færir sig síðan norðar á vesturströnd landsins. 

Spáð er allt að 25-30 m/s sums staðar á Suður- og Vesturlandi.

Haraldur Eiríksson, veðurfræðingur á vakt Veðurstofu Íslands, segir aðspurður að ekki verði hægt að tala um að veðrið gangi niður í fyrramálið heldur frekar að dragi úr því. Spáð er áframhaldandi vindaveðrum út vikuna. 

Frétt af mbl.is

Vonskuveður alla vikuna

Hér sést vindaspá Veðurstofunnar fyrir miðnætti í kvöld. Kort/Veðurstofa Íslands

Lægðin sem stefnir í átt að landinu og er forsenda þeirra gulu viðvarana sem taka gildi seint í kvöld, verður undir 930 millibörum og því nokkuð djúp. Haraldur vísar á bug ábendingu sem blaðamaður ber upp við hann um að það sé einhvers konar metlægð. Talsvert dýpri lægðir hafi mælst áður. 

Vegna slæmr­ar veður­spár á næst­unni hvet­ur Land­helg­is­gæsl­an til aðgæslu í höfn­um og með strönd­inni þar sem sjór get­ur gengið á land og á það sér­stak­lega við sunn­an- og vest­an­lands.

Veðurvefur mbl.is

• Blogga um frétt