Íbúðaverð hefur náð fordæmalausum hæðum á sama tíma og stuðningskerfi ríkisins við íbúðakaup launafólks, vaxtabætur, hefur fjarað út. Sífellt erfiðara er að festa kaup á íbúðarhúsnæði á Íslandi.

Þetta kemur fram í 2. tölublaði Kjarafrétta Eflingar.

Í stað þess hafa stjórnvöld lagt hluta af því sem sparaðist í stofnfjárstyrki til bygginga leiguíbúða og í hlutdeildarlán. Það mun hins vegar ekki koma til með að gagnast nema hluta þeirra sem áður áttu kost á umtalsverðum vaxtabótum, að því er fram kemur í Kjarafréttum.

Þá er einnig skortur á húsnæði þar sem að ekki hefur verið byggt nægilega mikið. Hefur staðan stórlega versnað.

Kaupmáttarleiðréttur húsnæðiskostnaður þeirra sem búa í eigin húsnæði á Íslandi er jafnframt sá hæsti sem finnst í Evrópu. Endurspeglar það þann mikla kostnað sem fylgir fjármögnun íbúðakaupa og þörfina fyrir öflugt vaxtabótakerfi hér á landi.

Tengdar fréttir

Húsnæðismarkaðurinn

Búseta skortir byggingarlóðir

• Horfa út fyrir Reykjavík vegna bílstæðaskorts
• „Það er verið að byggja rangar íbúðir“
• Skortur á bílastæðum fælir frá
• Sjö af 160 íbúðum seldust

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Tek heils hugar undir