Ekki liggur fyrir hvert starfsemi Landspítalans sem fer nú fram á deildinni B1 í Fossvogi mun færast en fyrirhugað er að ný farsóttardeild taki þar til starfa.

Þetta segir Ragnheiður S. Einarsdóttir yfirsjúkraþjálfari Landspítala. 

B1 hýsir nú sjúkraþjálfun, iðjuþjálfun, sálgæslu (kapellu og skrifstofu sjúkrahúsprests) og einnig dagdeild fyrir B7-deildina.

Finna þurfi viðeigandi pláss

Að sögn Ragnheiðar er ferlið á byrjunarstigi og því erfitt að svara spurningum um hvert framhaldið verður. Eins og er liggur engin lausn fyrir en ekki stendur til að leggja neina starfsemi niður. Það þurfi hins vegar að finna viðeigandi pláss.

Í skriflegu svari heilbrigðisráðuneytisins við fyrirspurn mbl.is kemur fram að framkvæmdir og hönnun við að koma á laggirnar sérstakri farsóttardeild á Landspítala geti tekið um fimm til sjö mánuði.

Már Kristjánsson, yfirlæknir smitsjúkdómadeildar Landspítala, segir farsóttardeildina enn á teikniborðinu.

Aðspurð segir Ragnheiður erfitt að ímynda sér að starfsemin færist í húsnæði utan Landspítalans í Fossvogi enda sinni starfsfólkið sjúklingum sem þar liggi inni, eins og annað heilbrigðisstarfsfólk sem þar starfar. Hefur hún jafnframt ekki orðið vör við neitt tal um slíkt.

Frétt af mbl.is

Tekur 5-7 mánuði að opna farsóttardeild

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt