Ríkið mun ekki áfrýja máli Erlu
Setja bókamerki
Ríkið mun ekki áfrýja niðurstöðu héraðsdóms Reykjavíkur í máli Erlu Bolladóttur til Landsréttar. Því getur Erla farið fram á endurupptöku máls síns og krafist sýknu.
Erla var sakfelld í Hæstarétti árið 1980 fyrir að hafa borið svokallaða Klúbbsmenn röngum sökum í tengslum við Guðmundar- og Geirfinnsmálið. Kjarni rökstuðnings Erlu hverfist um að hún hafi verið beitt þrýstingi af lögreglumönnum til þess að bera ljúgvitni gegn Klúbbsmönnum.
Engar bætur án sýknu
Þeir sem Erla bar röngum sökum vilja að dómnum verði áfrýjað en í viðtali við Rúv sagði Katrín Jakobsdóttir, forsætisráðherra að, í samráði við dómsmálaráðherra, hefði verið tekin ákvörðun um að málinu yrði ekki áfrýjað.
Lögmaður Erlu, Ragnar Aðalsteinsson, hafði væntingar um að forsætisráðherra myndi beita sér til að ljúka málinu með því að gera sátt við Erlu, en aðrir sakborningar höfðu fengið bætur með sérstakri lagaheimild frá Alþingi.
Það verður þó ekki gert, en Katrín benti á að sá munur væri á máli Erlu og annarra sakborninga að sýknudómur lægi ekki fyrir og því örðugt að fara sömu leið.
Engin læknisþjónusta á heilsugæslunni í verkfalli
„Þetta var hræðileg stund“
Erfiðara mun reynast að verja Svartsengi
Taka þarf ákvarðanir um framtíð Grindavíkurbæjar
„Tómthússkattur“ bitnar einnig á landsbyggðarfólki
Biðlistar eftir skurðaðgerðum gætu lengst
Víðir gerir upp mistök frá covid-tímanum