Faglegar ástæður fyrir breyttri sóttkví
Setja bókamerki
Þórólfur Guðnason sóttvarnalæknir segir í nýjum pistli sínum á covid.is að faglegar ástæður séu fyrir breyttum reglum á sóttkví.
Í gær tóku gildi breyttar reglur um sóttkví. Reglurnar fela í sér, að nú eru þeir sem fengið hafa örvunarskammt undanþegnir hefðbundinni sóttkví en þurfa að undirgangast ákveðnar reglur í fimm daga sem lýkur með PCR-prófi.
Ákveðnar sérreglur geta þó nú eins og áður gilt um viðkvæma starfsemi eins og á heilbrigðisstofnunum og hjúkrunarheimilum.
Tvíbólusettir bæði ólíklegri til að taka smit og smita aðra
„Faglegar ástæður fyrir þessum nýju reglum eru þær, að nýleg rannsókn í New England Journal of Medicine sem birt var 5. janúar sl. sýnir, að tvíbólusettir eru bæði ólíklegri til að taka smit og smita aðra,“ segir í pistli Þórólfs.
Hann segir að í því tilfelli hafi verið um að ræða smit af völdum Alfa- og Delta-afbrigðis kórónaveirunnar en líklegt sé að það sama gildi um Ómíkron-afbrigðið, sérstaklega hjá þríbólusettum.
Reglurnar gilda einnig fyrir þá sem voru búnir að vera í sóttkví fyrir gildistöku.
„Þeir sem eru útsettir fyrir smituðum einstaklingi munu nú fá skilaboð frá rakningateymi almannavarna um þessar nýju reglur og bera þannig sjálfir ábyrgð á framkvæmd reglnanna séu þeir þríbólusettir.“
Svona er plan ríkisstjórnarinnar
Landris nálgast nú einn metra
Reikna með sýnatökum og rakningu eftir þorrablótin
Segir dóminn vonbrigði og líklega áfrýjað
Samþykkt að fjölga lögreglumönnum
Myndir: Víða tjón eftir kröftuga vindhviðu
Vilja halda í bíóhúsið