Gilda aðrar reglur um þá sem fengu Janssen?
Setja bókamerki
Umboðsmaður Alþingis hefur óskað eftir upplýsingum frá heilbrigðisráðherra um hvort staðið hafi til að gera greinarmun á framkvæmd sóttkvíar bólusettra eftir því hvaða bóluefni viðkomandi hafi fengið. Þá spyr hann hvaða gögn eða aðrar upplýsingar hafi legið til grundvallar slíku mati.
Greint hefur verið frá því að þeir sem hafa verið bólusettir með þremur skömmtum af bóluefni, a.m.k. hálfum mánuði fyrir berskjöldun gagnvart smiti vegna Covid-19, sæti ekki sömu takmörkunum í sóttkví samkvæmt reglugerð heilbrigðisráðherra, að því er fram kemur á vef umboðsmanns.
„Samkvæmt orðalagi reglugerðar sem sett var 7. janúar virðast þeir sem upphaflega voru bólusettir með Janssen, sem fer fram með einum skammti bóluefnis í stað tveggja, og þegið hafa einn örvunarskammt, þó ekki falla undir rýmkun á reglum um sóttkví. Með grunnreglur íslensks réttar um jafnræði og meðalhóf í huga og þær kröfur sem gera verður á þeim grundvelli til setningar stjórnvaldsfyrirmæla með heimild í sóttvarnalögum, hefur umboðsmaður óskað eftir ofangreindum upplýsingum fyrir 19. janúar nk. Í kjölfarið verður tekin ákvörðun um hvort tilefni sé til að taka málið til nánari athugunar,“ segir umboðsmaður Alþingis.
„Mér finnst gamla Samfylkingin komin aftur“
Alvarleg netárás á Wise
Var engin kristnitaka árið 1000?
Forstjóri bendir á ábyrgð birgja vegna verðhækkana
Fyrsti blaðamannafundurinn í heild sinni
Funda með þingflokkum
Skattamál verði líklega „þeirra mesta klemma“
Lát hjóna í Neskaupstað: Ákæra gefin út
