Bæta fjórum við á Akureyri

„Nú hefur Háskólinn á Akureyri einnig boðið fleiri nemum áframhaldandi pláss í hjúkrunarfræði,“ skrifar Áslaug Arna Sigurbjörnsdóttir háskólamálaráðherra á facebook-síðu sína. Fetar HA þar með í fótspor Háskóla Íslands þar sem ákveðið hefur verið að fleiri fyrsta árs nemendur komist í gegnum samkeppnispróf við deildina en fyrst var gert ráð fyrir.

Háskólunum barst ákall frá heil­brigðisráðuneyt­inu og Land­spít­al­an­um.

Frétt af mbl.is

Fleiri ná klásus í HÍ

Að sögn Sigríðar Síu Jónsdóttur, for­seta heil­brigðis­vís­indsviðs HA, átti að hleypa 75 nem­end­um í gegn í ár. Há­skól­inn ákvað hins veg­ar að svara ákall­inu og tók inn fjóra til viðbótar og var þar með öllum með tilskilinni einkunn hleypt í gegn.

Áslaug Arna skrifar enn fremur á facebook að hún hafi átt gott samtal við Háskólann á Akureyri og taldi mikilvægt að sama gildi í báðum skólum og um sérstakt ánægjuefni sé að ræða.

• Blogga um frétt