30-40 miðar eftir á leikinn hjá Heimsferðum

Hlutirnir gerast hratt hjá Heimsferðum sem tilkynntu í morgun að boðið yrði upp á 186 flugsæti til Búdapest í Ungverjalandi og jafnmarga miða á leik Íslands og Danmerkur í millirðili á EM í handbolta. 

Tómas J. Gestsson, framkvæmdastjóri Heimsferða, segir að sennilega séu 30-40 miðar eftir án þess að vilja fullyrða nákvæmlega um það. 

Frétt af mbl.is

Heimsferðir selja 186 miða á Danaleikinn á morgun

„Ég var svolítið stressaður þarna fyrst í morgun að ekkert væri að gerast en svo núna upp úr 11.30 fór allt að gerast,“ segir Tómas í samtali við mbl.is. 

Hann bætir við að skiljanlega hafi ferðaþyrstir þurft umhugsunartíma áður en gengið væri frá kaupum.

Það fer því hver að verða síðastur að næla sér í miða á leik Íslands og Danmerkur, sem hefst klukkan 19.30 annað kvöld. Þeir sem þó ekki ná að krækja í flugferð til Búdapest geta fylgst með beinni lýsingu hér á mbl.is.

Frétt af mbl.is

Fengu 250 miða á leikina

• Blogga um frétt