Ert þú hjá dýrasta rafmagnssalanum?

Fyr­ir­tæki virðast geta at­huga­semda­laust farið fram­hjá 5. mgr. 7. gr. reglu­gerðar stjórn­valda, sem kveður á um að Orku­stofn­un velji raf­magnssala fyr­ir viðskipta­vini sem ekki velja raf­magnssala sjálf­ir, sem dæmi þá sem flytja í nýtt hús­næði.

Reglu­gerðin er hugsuð á þann hátt að neyt­and­inn sé færður til ódýr­asta sal­ans en svo virðist sem önn­ur sé raun­in. 

„N1 raf­magn rukk­ar sína viðskipta­vini um 75% meira en þeir segj­ast vera að gera,“ seg­ir Berg­lind Rán Ólafs­dótt­ir, fram­kvæmda­stýra Orku nátt­úr­unn­ar, sem vakið hef­ur at­hygli á mál­inu.

Berg­lind Rán Ólafs­dótt­ir, fram­kvæmda­stýra Orku nátt­úr­unn­ar, hef­ur vakið at­hygli á nú­ver­andi fyr­ir­komu­lagi. Ljós­mynd/​Aðsend

Lista­verð 6,44 krón­ur en rukkað um 11,16 krón­ur

Orku­stofn­un vel­ur raf­orku­sala m.a. fyr­ir fólk sem fest­ir kaup á nýju hús­næði. Fyr­ir val­inu verður lík­lega sá sem býður upp á lægsta aug­lýsta lista­verðið, 6,44 krón­ur í boði N1 raf­magn. Þá er annað verð notað sem ekki er birt op­iner­lega þegar viðskipt­in eru kom­in á, að sögn Berg­lind­ar.

„Það er spurn­ing hver til­gang­ur­inn er með reglu­gerðinni. Í öllu falli er hann ekki sá að láta þá sem velja ekki raf­magn fara á háan taxta,“ seg­ir Berg­lind. Orku­stofn­un sér um fram­kvæmd reglu­gerðar­inn­ar og hef­ur ekki breytt fyr­ir­komu­lag­inu þrátt fyr­ir at­huga­semd­ir sem hafa borist.

Til­laga um breyt­ingu á reglu­gerð fór í Sam­ráðsgátt en ekk­ert gerst

Átta fyr­ir­tæki selja raf­orku í beinni sam­keppni til heim­ila og fyr­ir­tækja; N1 raf­magn (Íslensk orkumiðlun), Fall­orka, HS orka, Orka Heim­il­anna, Orka Nátt­úr­unn­ar, Orku­bú Vest­fjarða, Orku­sal­an og Straumlind.

Í vor settu stjórn­völd fram til­lögu að breyt­ingu á reglu­gerðinni til þess að þróa hana áfram - um­sagn­ir bár­ust en reglu­gerðinni var aldrei breytt. „Nú er Orku­stofn­un að vinna að nýj­um leiðbein­ing­um á grunni upp­haf­legr­ar og gallaðrar reglu­gerðar sem í raun festa hana enn bet­ur í sessi,“ seg­ir Berg­lind.

Að lok­um tel­ur hún að væn­leg­ast að neyt­end­um sé gert auðveld­ara með að velja raf­magnssala og rétt­ast væri að huga að hags­mun­um neyt­enda og leyfa þeim að ákveða sjálf­ir við hvern þeir stunda viðskipti. Les­end­ur geta borið sam­an raf­orku­verð hér.

• 1 blogg um frétt­ina

Bloggað um frétt­ina

• Páll Vil­hjálms­son: Orkupakka­s­vindl á ís­lensk­um neyt­end­um