Icelandair selur miða á leikinn gegn Frökkum

Flugfélagið Icelandair býður upp á ferðir til Ungverjalands á laugardag og miða á leik Íslands og Frakklands í milliriðli EM í handbolta. 

Þetta kemur fram í fréttatilkynningu frá Icelandair.

Flogið er út klukkan átta á laugardagsmorgun og heim daginn eftir, en leikurinn fer fram síðdegis á laugardag. 

Innifalið í verðinu er flugmiði, hótelgisting og miði á leikinn og kostar pakkinn 99.900 krónur sé miðað við tveggja manna herbergi með morgunverði. Einstaklingsherbergi kostar 109.900. 

Gist er á Courtyard Budapest City Center sem er fjögurra stjörnu hótel.

• Blogga um frétt