Sigurður Ingi Jóhannsson innviðaráðherra og Dagur B. Eggertsson borgarstjóri tóku í gær formlega við óháðri félagshagfræðilegri greiningu á lagningu Sundabrautar og skilagrein starfshóps Vegagerðarinnar um lagningu brautarinnar.

Frétt af mbl.is

Endahnútur á að Sundabraut verði að veruleika

Í tilkynningu frá Stjórnarráðinu segir að greiningin hafi leitt í ljós 186-238 milljarða króna ábata fyrir samfélagið eftir útfærslu Sundabrautar með Sundabrú eða jarðgöngum. Mestur ábati felist í minni akstri, útblæstri og mengun og styttri ferðatíma vegfarenda vegna styttri leiða til og frá höfuðborgarsvæðinu.

Heildarakstur á höfuðborgarsvæðinu gæti minnkað um 150 þúsund km á hverjum sólarhring við opnun Sundabrautar. Næstu skref eru að hefja undirbúning á umhverfismati, víðtæku samráðsferli og nauðsynlegum breytingum á aðalskipulagi en miðað er við að Sundabraut verði opnuð árið 2031.

„Gríðarlega arðsöm fyrir samfélagið“

Í færslu á Facebook-síðu sinni greinir Sigurður Ingi frá því að framkvæmdin verði ein stærsta einstaka vegaframkvæmd Íslandssögunnar.

„Hún er gríðarlega arðsöm fyrir samfélagið, innri vextir eru um 11% hvort sem hún er um brú eða verður í jarðgöngum og þjóðhagslegur ábati til næstu 30 ára er áætlaður1 86–236 milljarðar kr.,“ skrifar hann í færslu sinni.

Þá skrifar hann einnig að tíminn næstu fjögur árin verði vel nýttur með viðtölum við íbúa og aðila í nærumhverfi, breytingum á skipulagi, gerð umhverfismats og einnig að hönnun fari af stað á næstunni. 

„Útboðsferlið tekur þrjú til fjögur ár og í framhaldi mætir grafan á staðinn árið 2026 og framkvæmdum lýkur með þverun Kollafjarðar árið 2031.“

Tengdar fréttir

Sundabraut

Sundabrautin þegar orðin dýr

• Sundagöng koma einnig til greina
• Rétt að huga að Sundabyggð
• Þung umferð í borginni kemur ekki á óvart
• Endurhugsa þarf flugvallarsamgöngur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Töfin á Sundabraut hefur kostað hundruð milljarða. Töfin endalausa við …