Skattamál Bjarna Ármannssonar endurupptekið

Endurupptökudómur hefur fallist á beiðni fjárfestisins Bjarna Ármannssonar um endurupptöku á skattamáli þar sem hann var dæmdur í átta mánaða skilorðsbundið fangelsi og til að greiða 36 milljónir fyrir að hafa ekki staðið skil á 20,5 milljónum í fjármagnstekjur árin 2007-9.

Frétt af mbl.is

Ríkið braut gegn Bjarna

Eftir rannsókn skattrannsóknarstjóra árið 2010 og úrskurð ríkisskattstjóra árið 2012 greiddi Bjarni umrædda vanframtalda skatta auk 25% álags, en hann undi þeim úrskurði. Skattrannsóknarstjóri vísaði málinu hins vegar til sérstaks saksóknara sem gaf út ákæru sama ár. Dæmi héraðsdómur hann síðar í sex mánaða skilorðsbundið fangelsi og til greiðslu á 36 milljónum sem Hæstiréttur þyngdi svo árið 2014 í átta mánuði.

Frétt af mbl.is

Hæstiréttur þyngdi refsingu Bjarna

Bjarni kærði ríkið vegna málalyktanna síðar sama ár til Mannréttindadómstóls Evrópu og taldi að um tvöfalda refsingu væri að ræða. Komst MDE að þeirri niðurstöðu að ríkið hefði brotið á honum með því að refsa Bjarna í tvígang fyrir sama brot.

Dóm­ur­inn er hliðstæður við dóm Mann­rétt­inda­dóm­stóls­ins 2017 í máli Jóns Ásgeirs Jó­hann­es­son­ar kaup­sýslu­manns gegn ís­lenska rík­inu, en samhliða því að samþykkja endurupptöku máls Bjarna féllst Endurupptökudómstóll einnig á endurupptöku máls Jóns Ásgeirs og Tryggva.

• Blogga um frétt