Segir Siggu Dögg „normalísera ofbeldishegðun“

Sig­ríður Dögg Ara­dótt­ir, sem gjarn­an er þekkt sem Sigga Dögg, kyn­fræðing­ur og Hanna Björg Vil­hjálms­dótt­ir kynjafræðikennari tókust á í Kastljósi kvöldsins. Sakaði Hanna Siggu Dögg meðal annars um að vera á „klámvæðingar línunni“ og að „normalísera ofbeldishegðun“.

Frétt af mbl.is

Skiptar skoðanir á fræðslu um „kyrkingar“

Hanna ásamt Maríu Hjálmtýsdóttur kynjafræðikennara beindu spjótum sínum að Siggu Dögg í aðsendri grein á Vísi í gær.

Í greininni gagnrýndu Hanna og María harðlega að kyrkingar væru kenndar í skólum landsins.

Fráleitt að viðgangast ofbeldismenningu

Í Kastljósi sagði Hanna að með því að kenna kyrkingar væri verið að gangast við ofbeldismenningu og að það væri fráleitt að það væri innan skólakerfisins.

„Við eigum að gera nemendur í stakk búna til þess að finna sína kynverund með því að gera þau meðvituð um alla þá skaðlegu ofbeldismenningu sem er allt í kringum þau,“ sagði Hanna.

Sig­ríður Dögg Ara­dótt­ir kynjafræðingur. mbl.is/Árni Sæberg

Sigga Dögg sagðist ekki kenna kyrkingar í kynfræðslu heldur hvernig skuli virða mörk og fá samþykki einstaklinga.

Hanna sagði þá að samþykki og mörk væru mjög flókin fyrirbæri sem erfitt væri að ræða í tveggja tíma fræðslu. Þá benti Sigga Dögg á að Hanna hafi aldrei setið kynfræðslutíma hjá henni.

Örsjaldan rætt kyrkingar

Sigga Dögg sagðist hafa talað örsjaldan um kyrkingar í kynfræðslu ungmenna og það hafi verið vegna hversu stórt málið var í dægurmenningu.

„Ef við sendum ungmennunum einu sinni skilaboð frá aðila sem þau taka mark á um að það sé hægt að kyrkja á öruggan hátt, þá erum við að normalísera ofbeldishegðun,“ sagði Hanna.

Hanna og Sigga Dögg voru þó sammála um að auka þyrfti kynjafræðslu ungmenna til muna.

• Blogga um frétt