Sólveig Anna býður sig fram til formanns Eflingar
Setja bókamerki
Listi Eflingarfélaga undir nafninu Baráttulistinn hefur tilkynnt kjörstjórn Eflingar - stéttarfélags um framboð til stjórnar og formanns félagsins. Formannsframbjóðandi Baráttulistans er Sólveig Anna Jónsdóttir, fyrrverandi formaður Eflingar.
„Það sem sameinar okkur meira en nokkuð annað er trúin á að umbylta félaginu og gera Eflingu að öflugu vopni í kjarabaráttu láglaunafólks.,“ segir í yfirlýsingu.
„Breytingar í félaginu okkar á síðustu árum hafa gefið okkur von og sannfæringu um að þetta sé hægt. Skipulögð og einbeitt barátta skilar árangri. Við viljum byggja á þeim grunni og þess vegna viljum við starfa í stjórn Eflingar undir formennsku Sólveigar Önnu Jónsdóttur.“
Fram kemur að allir frambjóðendur Baráttulistans hafi áralanga reynslu af störfum verkafólks á íslenskum vinnumarkaði og af trúnaðarstörfum innan Eflingar.
Kosningar á meðal félagsmanna Eflingar fara fram 15. febrúar.
Sólveig sagði af sér sem formaður Eflingar á síðasta ári.
Í síðustu viku samþykkti trúnaðarráð Eflingar tillögu uppstillingarnefndar um skipun í trúnaðarstöðurnar sem eru til kjörs í stjórnarkjörinu. Samkvæmt tillögunni er gert ráð fyrir að Ólöf Helga Adolfsdóttir, núverandi varaformaður, verði formaður.
Áður hafði Guðmundur Jónatan Baldursson, stjórnarmaður í Eflingu, tilkynnt framboð sitt til formanns félagsins.
Núverandi formaður Eflingar er Agnieszka Ewa Ziólkowska, sem tók við eftir að Sólveig Anna, sagði af sér.
Fresta framkvæmdum við Landspítala
Erfiðara fyrir flokka að segjast hlutlausir
Greiningarmiðstöð hluti af 13 landamæraaðgerðum
/frimg/1/50/98/1509812.jpg)
Aukin tíðni strætóferða fyrir fleiri íbúa
Var rétt komin ofan í sprunguna
Unnu eftir kröfugerð sem lögð var fram í upphafi
Par flutt á bráðamóttöku eftir árás
Síminn stoppar ekki hjá Árekstur.is