Dimm él og lélegt skyggni

Gular veðurviðvaranir taka gildi klukkan tíu í dag á höfuðborgarsvæðinu, Suðurlandi, Faxaflóa, Breiðafirði, Vestfjörðum og Ströndum og Norðurlandi vestra og eru þær í gildi til klukkan sex. Spár gera ráð fyrir töluverðum vindi og dimmum éljum.

Á höfuðborgarsvæðinu er spáð 13-20 m/s og dimmum éljum með lélegu skyggni og versnandi akstursskilyrðum.

Sama á við um hina landshlutana en vakin er athygli á því að færð gæti orðið léleg á fjallvegum, til að mynda Öxnadalsheiði og Hellisheiði.

Hægara og úrkomuminna verður austantil í dag. Dregur úr vindi og éljum í kvöld og kólnar í veðri.

Veðurvefur mbl.is

• Blogga um frétt