Þyrlusveit Landhelgisgæslunnar hefur verið kölluð út vegna lítillar flugvélar sem ekki hefur náðst samband við. Þetta staðfestir Landhelgisgæslan við mbl.is.

Uppfært kl. 14.27

Að sögn Ásgeirs Erlendssonar, upplýsingafulltrúa Gæslunnar, stendur leitin enn yfir. Flugvélin tók á loft frá Reykjavíkurflugvelli á ellefta tímanum í morgun og hefur hún ekki skilað sér til baka. Verið er að skoða alla möguleika.

Fjórir eru um borð í vélinni, samkvæmt upplýsingum Gæslunnar.

Þyrlusveitin fór í loftið klukkan rétt rúmlega tvö í dag. Einnig voru kallaðar út björgunarsveitir á höfuðborgarsvæðinu, Suðurnesjum og Suðurlandi.

Frétt af mbl.is

Á þriðja hundrað koma að leitinni

Uppfært kl. 15.03:

Leitin að flugvélinni stendur enn yfir og hefur önnur þyrla Gæslunnar, TF-EIR, verið kölluð út til aðstoðar. Flugvélin er með íslenskt skráningarnúmer og er fjögurra manna. Verið er að vinna í því að þrengja leitarsvæðið, að sögn Ásgeirs.

Nýlega leitaði þyrla Gæslunnar, TF-GNÁ, í námunda við Þingvallavatn, auk þess sem björgunarsveitir leita á svæðum í kringum höfuðborgarsvæðið.

Búið er að virkja samhæfingarstöð almannavarna í Skógarhlíð vegna málsins.

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt