Tíu bólusettir á spítala vegna Covid-19
Setja bókamerki
Alls liggja tíu bólusettir einstaklingar inni á Landspítala, sökum veikinda af völdum Covid-19 sýkingar. Sjö þeirra hafa fengið örvunarskammt af bóluefni.
Níu til viðbótar liggja inni á spítalanum vegna Covid-19, en þeir eru óbólusettir, eftir því sem ráða má af gögnum frá Landspítalanum.
Helmingur ekki bólusettur
Þannig hefur um helmingur sjúklinga, sem eru á spítalanum vegna sjúkdómsins, ekki verið bólusettur.
Til samanburðar hafa um 80% landsmanna, 5 ára og eldri, verið bólusett.
Til viðbótar við þessa nítján liggja sjö á spítalanum með kórónuveirusmit. Fimm þeirra liggja ekki inni á spítalanum vegna smitsins beinlínis, samkvæmt upplýsingum frá Landspítala.
Spítalinn getur ekki skorið úr um hvort sjúkrahúslega hinna tveggja sé vegna veirunnar.
Smitum fjölgað en fækkað á spítala
Þrír eru á gjörgæsludeild, en þannig hefur stöðunni þar verið háttað frá 25. janúar. Tveir þeirra eru í öndunarvél.
Mest hafa 46 legið inni með kórónuveirusmit á spítalanum á þessu ári, eða þann 16. janúar.
Þeim fækkaði ört næstu daga þar á eftir og voru þannig 33 talsins þann 20. janúar, án þess að hertar takmarkanir ættu þar hlut að máli.
Nú eru þeir 26, eins og fram kom að ofan.
Líklega ekki aflétt á morgun
Á sama tíma, eða síðustu tæpar þrjár vikur, hefur greinst slíkur fjöldi kórónuveirusmita hér á landi að hann slær öllu við frá upphafi faraldursins á Íslandi.
1.440 smit greindust á landinu í gær. Þann 14. janúar, þegar ríkisstjórnin kynnti hertar takmarkanir til að takmarka fjölda smita, voru þau 1.149 talsins.
Ólíklegt er, samkvæmt heimildum mbl.is, að einhvers konar afléttingar takmarkana verði kynntar á morgun.
Ráðuneytið fer með rangt mál í samráðsgátt
Skyldasti ættingi SARS „var í þeirra eigin ísskáp“
Íslenskt tónskáld tilnefnt til Emmy verðlauna
Langþráð hótel gæti risið á næsta ári
Palestínumenn haft í hótunum við matarúthlutun
Fjölskyldan í áfalli: Hafa borið kennsl á tvo menn
Sprenging í Leifsstöð: Einn lítið slasaður