Fékk frest til að svara fyrir einveruherbergi

Mennta- og barnamálaráðuneytið óskaði eftir vikufresti til að skila inn upplýsingum um hvort það ætli að bregðast við ábendingum sem umboðsmaður Alþingis setti fram í bréfi til ráðuneytisins, varðandi notkun á einveruherbergjum í grunnskólum. Þetta staðfestir Skúli Magnússon, umboðsmaður Alþingis, í samtali við mbl.is.

Umboðsmaður sendi Ásmundi Einari Daðasyni, mennta- og barnamálaráðherra, bréf þann 8. desember síðastliðinn og var upphaflegur frestur til 1. febrúar. Ráðuneytið óskaði eftir því að hann yrði framlengdur til 7. febrúar.

Frétt af mbl.is

Ekki vísbendingar um frelsissviptingu nemenda

Ekki vísbendingar um frelsissviptingu

Bréfið var sent í kjölfar heimsókna umboðsmanns í nokkra grunnskóla vegna frumkvæðisathugunar á notkun einveruherbergja, sem ganga gjarnan undir nafninu „gula herbergið“. Það verklag tíðkast í einhverjum grunnskólum að skilja börn frá sam­nem­end­um og vista þau jafnvel ein í slíkum herbergjum í þeim til­gangi róa þau niður. Gjarn­an er um að ræða börn með sérþarf­ir sem skort­ir úrræði í skóla­kerf­inu. Að minnsta kosti eitt slíkt mál hef­ur verið kært til lög­reglu.

Frétt af mbl.is

Standi andspænis nánast óleysanlegum vanda

Upphaflega óskaði umboðsmaður eftir upplýsingum frá grunnskólunum um aðstæður barna sem væru aðskilin frá samnemendum sínum. Eftir að svör höfðu borist frá skólunum fór umboðsmaður í heimsóknir þangað.

Ekki komu fram vísbendingar um nemendur væru kerfisbundið kerf­is­bundið látn­ir dvelja í einveruherbergjum í svo lang­an tíma eða við þær aðstæður að jafnað yrði til frels­is­svipt­ing­ar.

Málinu verði fylgt eftir

Í bréfi til ráðherra vakti umboðsmaður hins veg­ar at­hygli á álita­efn­um sem heim­sókn­irn­ar leiddu í ljós og óskað er eft­ir því að ráðuneytið veiti upp­lýs­ing­ar um hvort það hygg­ist bregðast við þeim ábend­ing­um sem fram koma.

Frétt af mbl.is

Þarf heimild í lögum til að svipta barn frelsi

Jafnframt er vakin athygli ráðherra á þeim vanda sem starfs­menn skól­anna lýstu vegna nem­enda með sérþarf­ir og al­var­leg­an hegðun­ar­vanda og kallað eft­ir skýr­ari af­stöðu ráðuneyt­is­ins til notk­un­ar ein­veru­her­bergja í því sam­bandi.

Skúli Magnússon, umboðsmaður Alþingis, segist eiga von á því að málinu verði fylgt eftir þegar svör hafa borist frá ráðuneytinu. Það fari þó að sjálfsögðu eftir viðbrögðum ráðuneytisins.

• Blogga um frétt