Styttir einangrunartíma í fimm daga
Setja bókamerki
Einangrun vegna Covid-sýkingar verður stytt úr sjö dögum í fimm með reglugerð heilbrigðisráðherra sem tekur gildi mánudaginn 7. febrúar.
Þetta kemur fram í tilkynningu frá Stjórnarráðinu.
Áfram verður þó heimilt að framlengja einangrun ef þörf krefur samkvæmt læknisfræðilegu mati.
Áður sýktir hvorki í einangrun né sóttkví
Á mánudaginn verður afnumin skylda þeirra til að sæta sóttkví eða viðhafa smitgát sem eru með afstaðna sýkingu, staðfesta með PCR-prófi sem er ekki yngra en 7 daga gamalt og ekki eldra en 180 daga.
„Einstaklingur sem er með staðfesta sýkingu af COVID-19 skal vera í einangrun í 5 daga frá greiningu, enda sé hann einkennalaus eða einkennalítill. Með litlum einkennum er átt við væg einkenni frá öndunarfærum og að viðkomandi sé hitalaus (þ.e. hiti lægri en 37,8°C) og hafi verið hitalaus a.m.k. síðastliðinn sólarhring áður en hann losnar úr einangrun. Fylgja skal reglum um smitgát í a.m.k. tvo daga eftir að einangrun lýkur.
Reglugerðin gildir einnig um þá sem eru í einangrun við gildistöku hennar. Það felur í sér að henni lýkur hjá þeim sem þegar hafa verið í einangrun í 5 daga eða lengur þegar reglugerðin tekur gildi 7. febrúar. Allir sem eru að ljúka einangrun frá skilaboð þess efnis í gegnum Heilsuveru og þar með en ekki fyrr lýkur einangruninni,“ segir í tilkynningu.
Tíu börn á spítala, þar af tvö á gjörgæslu
Vilja greina niðurstöður PISA-könnunarinnar
„Þetta er ljót mynd“
Björgunarsveitarmaður á æfingu lést við Tungufljót
Mjótt á munum degi fyrir kosningar
Héldu að kvikuhlaup gæti verið að hefjast
Svona verður endaspretturinn
Ekki gerlegt að sakfella eftir lýsingu í ákæru