Lögreglu, Landhelgisgæslu og björgunaraðilum hefur ekki enn tekist að finna farþegana fjóra sem voru um borð í vélinni sem fannst í Þingvallavatni í nótt þar sem að erfitt er að komast niður að flaki vélarinnar.

Þetta staðfestir Oddur Árnason, yfirlögregluþjónn á Suðurlandi, í samtali við mbl.is.

Frétt af mbl.is

Flugvélin er fundin

Erlendir miðlar greindu frá því í dag að fjögur lík hafi fundist í vatninu. Oddur segir enga slíka staðfestingu hafa borist.

Talið er að mennirnir fjórir sem voru um borð í vélinni séu látnir. Engin yfirlýsing hefur þó verið gefin út þess efnis og óvíst hvort slíkt verði gert, að sögn Odds.

„Við vonumst til þess að þeir séu í brakinu en ég hef ekki staðfestingu á því.“

Vél­in fannst með kaf­bát í sunn­an­verðu Þing­valla­vatni á ell­efta tím­an­um í gærkvöldi eftir langa leit. mbl.is/Eggert Jóhannesson

Fannst á 50 metra dýpi

Í dag var greint frá því að þar sem slysstaður væri fundinn tæki Lögreglan á Suðurlandi yfir aðgerð og stjórn málsins sem áður var í höndum Landhelgisgæslu.

Frétt af mbl.is

Tæknilega flókin aðgerð framundan

„Framundan er tæknilega flókin aðgerð við að ná flakinu og fólkinu sem í vélinni var upp á yfirborðið,“ segir í tilkynningu lögreglunnar en flugvélin fannst á 50 metra dýpi.

Málið er nú í höndum Lögreglunnar á Suðurlandi. mbl.is/Eggert Jóhannesson

Sú vinna mun fara fram samhliða rannsókn slyssins og er í höndum rannsóknardeildar Lögreglunnar á Suðurlandi og Rannsóknarnefndar samgönguslysa.

Næstu dagar verða nýttir til undirbúnings verkefnisins og er talið að til þess þurfi verðurglugga sem varir að minnsta kosti í tvo sólarhringa.

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt