Leit með kafbáti í Þingvallavatni seinni partinn í dag hefur leitt í ljós að enginn þeirra fjögurra sem í vélinni voru eru nú inni í flakinu.

Þetta kemur fram í tilkynningu á vef lögreglunnar.

„Því hefur svæðisstjórn björgunarsveita hafist handa við að skipuleggja áframhaldandi leit í og við vatnið á morgun,“ segir í tilkynningunni.

Fjörur voru gengnar þar í dag og eru síðustu hópar um það bil að klára sín verk nú um tíuleytið án þess að það hafi borið árangur.

Ljóst er að fólkið hefur komist úr vélinni af sjálfsdáðum eftir að hún lenti í vatninu en slysstaðurinn er um einn km frá landi þar sem styst er.

Leitarhópar hafa verið boðaðir til leitar á morgun á og við vatnið eftir nánara skipulagi svæðisstjórar björgunarsveita.

Ljóst er að ef það ber ekki árangur verður ekkert að hafst þar á mánudag og að líkindum lítið á þriðjudag vegna veðurs.

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt