Björgunaraðilar við Þingvallavatn nýta smákafbát með myndavélabúnaði og griparm til þess að sækja hina látnu niður á botn og færa upp á yfirborðið. Kafbátnum er stýrt af pramma á yfirborði vatnsins. 

Á yfirborðinu taka kafarar við og koma hinum látnu um borð í báta sem flytja þá í land. Þetta kemur fram í tilkynningu frá lögreglunni á Suðurlandi.

Nú hefur þremur af þeim sem létust verið bjargað á land en leit stendur yfir að þeim fjórða.

„Eftir samráðsfund björgunaraðila þar sem farið var yfir aðstæður kom í ljós að aðstæður til köfunar voru verulega hættulegar vegna mikils kulda og ísmyndunar á Þingvallavatni. Var kannað hvort hægt væri að beita öðrum aðferðum en áður höfðu verið planaðar,“ segir í tilkynningunni. Því var smákafbáturinn fenginn. 

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt