Annað skref afléttinga líklega kynnt í dag
Karítas Ríkharðsdóttir
Setja bókamerki
Annað skref afléttingaráætlunar stjórnvalda á samfélagslegum takmörkunum vegna Covid-19 verður að öllum líkindum tilkynnt í dag, tveimur vikum fyrr en upphaflega stóð til.
Willum Þór Þórsson heilbrigðisráðherra sagði fyrir viku síðan þetta líklega verða niðurstöðuna, sem síðan gæti leitt til algjörra afléttinga um mánaðamótin.
Líklegt þykir að tillögur þess efnis verði ræddar á ríkisstjórnarfundi í dag og síðan kynntar í framhaldinu.
Ekki komið að afnámi einangrunar
Skref tvö í aðgerðaáætluninni sem kynnt var fyrir viku átti að taka gildi 24. febrúar. Þar var gert ráð fyrir að hækka fjöldatakmarkanir úr 50 í 200 manns og að á sitjandi viðburðum verði heimilt að hafa þúsund manns í hólfi.
Þá átti að heimila sundstöðum, skíðasvæðum og líkamsræktarstöðvum að hafa opið fyrir 100% af hámarksfjölda. Einnig að íþróttakeppnir með þúsund áhorfendum verði heimilaðar og veitingastaðir og krár fái að hafa opið til miðnættis og hleypa fólki inn til miðnættis.
Willum Þór sagði þó á Alþingi í gær aðspurður að hann hygðist ekki afnema skyldu til þess að sæta einangrun þeirra sem greinast með Covid-19. Einangrunartími var nýlega styttur í fimm daga í stað sjö en þeir voru upphaflega fjórtán.
„Ég held að þetta verði ekki svo jafnt“
„Við í Prís höfum áhuga á að fara á Nesið“
„Mikil neyð hjá mörgu fólki“
Andlit barna sett á klámfengið efni með gervigreind
Vill skattleggja greinina og veita henni svo styrki
Nýr hópur að meiðast í umferðinni
RARIK greiðir bætur vegna raftækja
Ætliði að gefa út bók eftir þessa Moggastelpu?
