Gangainnskot á Reykjanesskaga geta mögulega ógnað mikilvægum innviðum höfuðborgarsvæðisins og Suðurnesja, hvort sem þau leiði til eldgoss eða ekki.
Þetta segir Páll Einarsson, jarðeðlisfræðingur og prófessor emeritus, í samtali við Morgunblaðið.
Páll segir að slík gangainnskot gætu haft mikil áhrif á kerfi sem fæða vatnsveitur, hitaveitur og jarðvarmavirkjanir. Einhver þeirra gætu mögulega spilst til frambúðar yrði gangainnskot á slæmum stað.
Enn fremur segir Páll að hinni flóknu atburðarás á Reykjanesskaga sé ekki lokið og að enn megi búast við sterkum jarðskjálfta við höfuðborgarsvæðið.
„Eldgosið í Geldingadölum var bara hluti af flókinni atburðarás á Reykjanesskaga,“ segir Páll.
Þegar hafa orðið kvikuinnskot á 3-4 stöðum á skaganum þótt kvikan hafi til þessa aðeins náð til yfirborðs á einum stað.
Nánar má lesa um málið í Morgunblaðinu.