Landsréttur hefur staðfest þriggja ára fangelsisdóm yfir Reebar Abdi Mohammed vegna nauðgunar á kvennasalerni skemmtistaðar árið 2019. Landsréttur ákvað hins vegar að lækka bætur sem Reebar hafði verið dæmdur til að greiða fórnarlambi sínu úr þremur milljónum í tvær milljónir.

Reebar áfrýjaði dómi héraðsdóms og vísaði meðal annars til þess að villur hefðu verið í túlkun framburðar hans við skýrslutöku hjá lögreglu og í dómsal og það hafi orðið til þess að framburður hans hafi virst misvísandi, en til þess var vísað í forsendum héraðsdóms. Landsréttur taldi hins vegar eftir athugasemdir túlksins að ekki væru efni til þess að verða við kröfu mannsins um sýknu vegna þessa.

Frétt af mbl.is

Þrjú ár fyrir nauðgun á salerni skemmtistaðar

Í dómi héraðsdóms var farið yfir málsatvik. Reeb­ar er sagður hafa komið að kon­unni þar sem hún stóð fyr­ir fram­an sal­erni á skemmti­staðnum. Kysst hana, leitt inn á sal­erni, lagt hönd henn­ar að kyn­fær­um sín­um, stungið fingri inn í leggöng áður en hann reyndi að þvinga lim sín­um inn í leggöng henn­ar. Síðan að hafa reynt að fá kon­una til að hafa við sig munn­mök en þá komst kon­an und­an. Meðan á þessu stóð greip Reeb­ar um hár kon­unn­ar sem reyndi ít­rekað að fá mann­inn af hátt­semi sinni.

Kon­an fór á bráðamót­töku strax um nótt­ina þar sem meðal ann­ars komu fram áverk­ar á kyn­færa­svæði kon­unn­ar. Að sögn kon­unn­ar komu þeir við það þegar hún reyndi að klemma sam­an lær­in þegar Reeb­ar reyndi að hafa við hana sam­ræði. Þá þótti hátt­erni kon­unn­ar á bráðamót­töku sýna að mann­eskj­an var í upp­námi og þótti frá­sögn henn­ar trú­an­leg. 

Reeb­ar neitaði sök en viður­kenndi að hafa verið á skemmti­staðnum. Sagði hann að kon­an hefði kysst hann og viljað hafa við hann sam­ræði á sal­erni skemmti­staðar­ins. Hann hefði ekki verið með smokk og því ekki viljað það. Hann hefði veitt henni munn­mök auk þess að koma við brjóst henn­ar og stinga fingri í leggöng. Hún hefði sjálf af­klæðst inni á sal­ern­inu.

Í málinu var meðal annars notast við myndbandsupptökur úr eftirlitskerfi staðarins sem sýndi fram á annað en Reebar hélt fram.

Tengdar fréttir

Kynferðisbrot

Sekt fyrir barnakynlífsdúkkur: Kallaði sjálfur til lögreglu

• Nauðgunarmál Inga Vals klauf Hæstarétt
• Telst „lostugt athæfi“ í skilningi laga
• Hefta þarf aðgengi barna að klámi
• Dreifði nektarmyndum af barnsmóður sinni

» Fleiri tengdar fréttir

• Blogga um frétt