Tveir úrskurðaðir í varðhald vegna skotárásar
Setja bókamerki
Tveir karlmenn á þrítugsaldri hafa verið úrskurðaðir í vikulangt gæsluvarðhald vegna skotárásar á karl og konu í Grafarholti aðfararnótt fimmtudags. Eru mennirnir úrskurðaðir í varðhald á grundvelli rannsóknarhagsmuna.
Þetta kemur fram í tilkynningu frá lögreglu, en Margeir Sveinsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu, staðfesti við mbl.is fyrr í dag að annar maðurinn hefði verið úrskurðaður í varðhald. Nú hefur gæsluvarðhaldsúrskurður yfir þeim báðum verið staðfestur.
Meiðsli fólksins sem varð fyrir árásinni eru töluverð en hvorugt þeirra er í lífshættu, að sögn Margeirs.
Annar maðurinn var handtekinn í húsnæði við Miklubraut í gærmorgun þar sem lögregla og sérsveit ríkislögreglustjóra var með mikinn viðbúnað vegna málsins. Hinn maðurinn var handtekinn eftir hádegið.
Þá hefur verið lagt hald á ökutæki og skotvopn, sem lögreglan telur að hafi verið notað við verknaðinn.
Tengsl eru á milli árásarmannanna og fórnarlambanna og segir Margeir lögregluna vera með þau á hreinu. Verið að rannsaka tilgang árásinnar og er allt til skoðunar í þeim efnum, meðal annars hvort um einhvers konar hefndaraðgerð er að ræða.
Fréttin hefur verið uppfærð
„Við vorum alveg á nippinu“
Nágranninn fannst látinn við nærliggjandi skóla
Ísrael rýfur öll tengsl við UNRWA
Boða umbreytingu í grunnskólanum
/frimg/1/52/66/1526646.jpg)
Gul viðvörun á morgun
Björgunarsveitarmaður á æfingu lést við Tungufljót
Funduðu að næturlagi vegna gruns um kvikuhlaup
„Þetta er ljót mynd“