Anna Hildur nýr formaður SÁÁ

Anna Hildur Guðmundsdóttir er nýr formaður SÁÁ og Þráinn Farestveit verður varaformaður. 

Anna Hildur starfaði um árabil sem áfengis- og vímuefnaráðgjafi hjá SÁÁ og hefur frá 2018 gegnt sama starfi á fjölskyldusviði Akureyrarbæjar. 

Þráinn, sem er afbrotafræðingur að mennt, hefur verið framkvæmdastjóri Verndar fangahjálpar í rúm tuttugu ár.

Voru þau kosin á fundi aðalstjórnar samtakanna í dag en Anna tekur við af Einari Hermannssyni sem nýlega sagði af sér og Þorsteinn kemur inn fyrir Sigurð Friðriksson sem er í veikindaleyfi.

Frétt af mbl.is

Segir af sér formennsku í SÁÁ

Þráinn Farestveit mbl.is/Eggert Jóhannesson

Þriðjungur stjórnarinnar endurnýjaður í vor

Bryndís Rós Morrison og Sigurður Ragnar Guðmundsson voru jafnframt kosin ný inn í framkvæmdastjórn. 

Þau Anna Hildur og Þráinn taka við hlutverki formanns og varaformanns fram að aðalfundi SÁÁ, sem áformað er að halda í vor.

Á aðalfundinum verður þriðjungur 48 manna aðalstjórnar samtakanna endurnýjaður. Á fyrsta fundi nýrrar stjórnar eftir aðalfund mun hún koma til með að kjósa að nýju formann og varaformann SÁÁ úr sínum hópi svo og fulltrúa í framkvæmdastjórn.

Frétt af mbl.is

Fylgist með og hefur áhyggjur af stöðunni hjá SÁÁ

• Blogga um frétt