Snýst um einstaklinga en ekki skipulagða starfsemi

Lögreglan telur það vera út úr myndinni að skotárásirnar við Ingólfsstræti í miðbæ Reykjavíkur aðfaranótt sunnudags og í Grafarholti aðfaranótt föstudags tengist skipulagðri brotastarfsemi.

„Við teljum að þetta tengist einhverjum einstaklingum. Við erum líka að skoða hvort það eru tengingar á milli þessara mála,“ segir Margeir Sveinsson, aðstoðaryfirlögregluþjónn hjá lögreglunni á höfuðborgarsvæðinu, og bætir við að verið sé að athuga með ástæður árásanna og tengsl árásarmanna og fórnarlamba.

Frétt af mbl.is

Í varðhald eftir árás

Spurður segist hann ekki hafa upplýsingar um hvort mennirnir sem voru úrskurðaðir í gæsluvarðhald vegna árásarinnar í miðbænum hafi áður komið við sögu lögreglunnar. Hann vill heldur ekki tjá sig um það hvort játning liggi fyrir.

Yfirheyrslur eru í gangi ásamt gagnaöflun. Meðal annars hefur verið rætt við vitni, auk þess sem lögreglan hefur viðað að sér efni úr eftirlitsmyndavélum.

Frétt af mbl.is

Ekki vitað hvort tvær skotárásir tengist

Ástand mannsins sem var skotinn í miðbæ Reykjavíkur er stöðugt og er hann ekki lífshættu, að sögn Margeirs. Fólkið sem var skotið í Grafarvogi er heldur ekki í lífshættu og mun það vera á batavegi.

Hríðskotabyssa ekki notuð

Margeir útilokar að hríðskotabyssa eða afsöguð haglabyssa hafi verið notuð við árásina í miðbænum og sömu sögu megi segja um hina árásina. Spurður segir hann eitthvað vera um hríðskotabyssur hérlendis. Þær séu aftur á móti í eigu safnara og lögreglan hafi ekki séð slíkar byssur í umferð.

Frétt af mbl.is

„Maður sér ekki svona lagað á Íslandi“

„Þetta tekur allt sinn tíma. Miðað við þann tíma sem við gefum okkur í þetta miðar rannsókninni vel,“ segir hann og á þar við bæði málin.

• Blogga um frétt