Ákærður fyrir brot gegn 13 ára dreng

Karlmaður hefur verið ákærður af embætti héraðssaksóknara fyrir kynferðisbrot gegn barni með því að hafa veist að dreng sem var þá 13 ára gamall.

Í ákæru málsins kemur fram að maðurinn hafi klipið drenginn í báðar rasskinnar utanklæða, gripið í stuttbuxur hans og nærbuxur og togað þær harkalega upp. Þá hafi hann einnig snúið drenginn niður, sett hné sitt á maga hans og klipið hann fast í báðar rasskinnar.

Farið er fram á að maðurinn verði dæmdur til refsingar, en auk þess fer móðir drengsins, fyrir hans hönd, fram á 800 þúsund krónur í miskabætur í einkaréttarkröfu.

• Blogga um frétt