Innlent | mbl | 15.2.2022 | 17:42

Lögregla segir málið í hefðbundnum farvegi

Blaðamennirnir fjórir sem lögreglan á Norðurlandi eystra hefur boðað í yfirheyrslu vegna meintra brota á friðhelgi einkalífsins. Aðalsteinn Kjartansson, blaðamaður á Stundinni, Arnar Þór Ingólfsson, blaðamaður á Kjarnanum, Þóra Arnórsdóttiur, ritstjóri Kveiks á Ríkisútvarpinu og Þórður Snær Júlíusson, ritstjóri Kjarnans. Samsett mynd

Embætti Lögreglustjórans á Norðurlandi eystra, sem boðað hefur fjóra blaðamenn í yfirheyrslu fyrir meint brot á lögum um friðhelgi einkalífsins í umfjöllunum sínum, segir málið í hefðbundnum farvegi.

Þetta kemur fram í yfirlýsingu sem Embætti lögreglustjórans á Norðurlandi eystra sendi frá sér fyrr í dag.

Frétt af mbl.is

Lögreglan boðar blaðamenn í yfirheyrslu

Frétt af mbl.is

Lýsa áhyggjum og undrun á aðgerðum lögreglunnar

Eins og mbl.is greindi frá í gær hefur Lögreglan á Norðurlandi eystra, sem hefur aðsetur á Akureyri, boðað fjóra blaðamenn í yfirheyrslu fyrir meint brot á lögum um friðhelgi einkalífsins í umfjöllunum sínum um aðferðir „skæruliðadeildar Samherja“ gegn blaðamönnum.

Í yfirlýsingu embætti Lögreglustjórans segir að embættið sé með brot gegn friðhelgi einkalífs til rannsóknar og að málið sé í hefðbundnum farvegi.

Þá segir að liður í rannsóknum sakamála er að fram fari skýrslatökur af aðilum og vitnum í því skyni að upplýsa mál.

Í yfirlýsingunni kemur einnig fram að vegna rannsóknarhagsmuna muni embættið ekki veita frekari upplýsingar um málið.